Dei to Karnaljane!

1. Gitar, trekkspel og viser – med tekstar mellom anna av Jakob Sande. Folkeleg, salt og ujålete. 

Dei To Karnaljane arbeider med eigne tonesettingar av dikt av fleire sunnfjordsdiktarar, mellom anna Jakob Sande. Uttrykket ligg i eit møte mellom vestnorsk visetradisjon og impulsar frå keltisk og irsk musikk. Her går mørk humor, spit og vemod hand i hand, i tonar som luktar av både irske pubar og vestnorske fjordbygder. Namnet er lånt frå Sande-diktet «To glade karnaljar», og peikar mot blandinga av skrå humor og underliggjande alvor som også pregar mykje av diktinga hans. 

Prosjektet spring ut av ønsket om å vidareføre tradisjonen med tonesette Sande-dikt, samstundes som duoen opnar for eit litt anna musikalsk landskap enn det mange kanskje er vane med. Dei meiner den vestnorske folketonen har tydelege slektskap til den keltiske tradisjonen – og let desse trådane møtast i eigne arrangement og komposisjonar.